چەند كۆگایەك دەسووتێن
ئاوی سلێمانی ئاگری گرتووە
964+
دیلان محەمەد
نوێكرایەوە: 6:02
زیانەكان ملیۆن و نیوێك دۆلارە
یەكێك لە خاوەن كۆگاكانی كە لە ناوچەی پیشەسازی لە سلێمانی سووتاوە، بە 964ی وت، ئەوەی بیستوویانە ئەوەیە ئاگرەكە بەهۆی ئەنجامدانی ئیزوگام سەریهەڵداوە و هیچ مەرجێكی سەلامەتی و تەندروستی بۆ كارەكە نەبووە، بۆیە ئاگری گرتووە.
وتیشی، هیچ زیانی گیانی نەبووە و ئەوەی هەیە زیانی ماددییە كە دەگاتە ملیۆن و نیوێك دۆلار.
نوێكرایەوە 5:30
شایەتحاڵێك لە شوێنی رووداوەكە لە ناوچەی پیشەسازیی سلێمانی، بە 964ی راگەیاند، جگە لە كۆگای ئاوی سلێمانی، چەند كۆگایەكی دیكەش لە تەنیشت ئەو، ئاگریان گرتووە و ئاگرەكەش زۆر گەورەیە و بە ئاسانی كۆنتڕۆڵ ناكرێت.
هەواڵی یەكەم
كەمێك پێش ئێستا ئارام عەلی وتەبێژی بەرگریی شارستانیی سلێمانی بە 964ی وت، ئاگر لە كۆگای كۆمپانیای ئاوی سلێمانی بەربووە و تا ئێستا كۆنتڕۆڵ نەكراوە
تیمەكانی بەرگریی شارستانی لەوێن و تیمی دیكەش بۆ هاوكاری بەڕێوەن بۆ شوێنی ئاگرەكە.
پێداچوونەوە: ئەرسەلان عەبدوڵا
