وەک پار نەبوو
ئەمساڵ بەرهەمى پەتاتەى پێنجوێن وەزعى باشە
+964
کامیار کەمال – پێنجوێن
ئەمساڵ رێژەی بەرهەمهێنانی پەتاتەی خۆراکی لە پێنجوێنوەزعى باشە، بەڵام ساڵى پار جوتیاران توشى گرفت و قەیرانى ساغکردنەوەى بوون.
کامەران سەعید ، خاوەنی گەورەترین کێڵگەى پەتاتەیە لە پێنجوێن بە 964ـى وت،” ساڵی رابردوو نرخی کیلۆیەک پەتاتە 250 دینار بووە و ساغیش نەبووەتوە لەبەر ئەوە ئەمساڵ لە پێنجوێن رێژەیەکی کەمتر بەرهەمهاتووە”.
” ئەمساڵ نرخی پەتاتە زۆر باشە، چونکە پەتاتە بە رێژەیەکى کەمتر کراوە، هەرچەندە لە خوارووى عێراقیشەوە دێت، بەڵام بەهاکەى لەدەست نەداوە”، کامەران سەعید واى وت.
داواشی کرد، حکومەتی هەرێم ساڵانە هاوکاری جوتیاران بکات تاوەکوو بەرهەمی زیاتری ناوخۆ هەبێت و جوتیارانیش توشى زیان نەبن.
پێداچوونەوە : وریا فەتاح
