جارێکى دیکە پلەکانى گەرما بەرز دەبنەوە

وریا فەتاح

بەپێى پێشبینییەکانى کەشناسى هەرێم، پلەکانى گەرما بەرز دەبنەوە و گەرمیانیش بە 36 پلەى سیلیزى گەرمترین ناوچە دەبێت.

بەشى پێشبینى لە کەشناسى هەرێم، رەوشى کەشوهەواى 48 کاتژمێرى داهاتووى بڵاوکردەوە کە بەشێوەیەک دەبێت پلەکانى گەرما 1 تا 3 پلەى سیلیزى بەرز دەبنەوە.

روونیشکراوەتەوە کە خێرایى با 10 تا 20 کیلۆمەتر دەبێت لە کاتژمێرێکدا.

بەپێى پێشبینییەکان، بەرزترین پلەى گەرمیا لە گەرمیانە بە 36 پلەى سیلیزى و حاجى ئۆمەرانیش بە 23 پلەى سیلیزى فێنکترینە.

بەرزترین پلەکانی گەرمای پێشبینیکراو بە پلەی سیلیزی :

هەولێر: 33

سلێمانی: 32

دهۆک: 32

کەرکوک: 35

هەڵەبجە: 34

زاخۆ:32

سۆران: 32

حاجی ئۆمەران: 23

گەرمیان: 36

لاى خۆیەوە، شارەزای كەشناسی ئاراز جەبار لە سۆشیال میدیای خۆی بڵاویكردەوە، پێشبینی دەکرێت رۆژی 10ی ئەم مانگە شەپۆلێکی باران روو لە سەرتاسەری ناوچەکانی ھەرێمی کوردستان بكات.