لە کاتى دەوامى فەرمییدا
وەزیرێک بانگەشەى هەڵبژاردن لە فەرمانبەرانى قەدەغە دەکات
964+
وریا فەتاح
وەزیرى ئاوەدانکردنەوەى هەرێم، بانگەشەى هەڵبژاردن لە فەرمانبەرانى سەر بە وەزارەتەکەى لە کاتى دەوامى فەرمییدا، قەدەغە دەکات.
بەپێى نوسراوێک کە واژۆى دانا عەبدولکەریم وەزیرى ئاوەدانکردنەوەى لەسەرە تێیدا و ئاراستەى سەرجەم بەڕێوەبەرایەتییەکانى سەر بە وەزارەتەکەى کردووە، تێیدا هاتووە،”بەپێى یاسا و رێساکانى هەڵبژاردن، هەموو جۆرەکانى بانگەشە دەربارەى هەڵبژاردن بە تەواوى قەدەغەیە لە سەرجەم دام و دەزگاکانى وەزارەت لە کاتى دەوامى فەرمییدا”.
“رێگەپێدراو نییە، کارى ساسى و حیزبى تێکەڵ بە کارى رۆژانەى فەرمى بکرێت”، لە نوسراوەکەدا وا هاتووەز
جەختیش کراوەتەوە، هەر لایەک پابەند نەبێت بەپێى یاسا لێپێچینەوەى لێدەکرێت.
