باڵەخانەی وەزارەتی پەروەردەی عێراق
بە بڕیاری ئەنجومەنی وەزیرانی عێراق
قوتابیان دەتوانن خولی سێیەمی تاقیکردنەوەکان ئەنجام بدەن
964+
توانا نەقی
بە بڕیاری ئەنجومەنی وەزیرانی عێراق رەزامەندی دراوە لەسەر ئەنجامدانی تاقیکردنەوەی خولی سێیەم بۆ ئەو قوتابیانەی لە خولی دووەمی ساڵی خوێندنی 2023 – 2024 دەرنەچوون.
ئەمڕۆ سێشەممە، نوسینەگەی راگەیاندنی سەرۆک وەزیرانی عێراق بڵاویکردەوە، پۆلی سێی ناوەندی تاقیکردنەوەی خولی سێیەمی هەموو وانەکان دەتوانن ئەنجام بدەن، بەڵام پۆلی 12ـەی ئامادەیی تەنیا دەتوانن سێ وانە تاقیکردنەوە بکەنەوە.
دەشڵێت، ئەو قوتابیانەی گزی یاخود فێڵیان کردووە لە تاقیکردنەوەکان ناتوانن تاقیکردنەوەی خولی سێیەم ئەنجام بدەن بێ بەشن لەو بڕیارە.
