964+
دەربەندیخان
تراکتۆرێک وەرگەڕا و شۆفێرەکەی گیانی لەدەست دا
964+
میلاد جەلال- گەرمیان
درەنگانێکى شەوى رابردوو، بەهۆى وەرگەڕانى تراکتۆرێک لە سنوورى دەربەندیخان، شۆفێرەکەى گیانى لەدەست دا.
ئەفسەری ئێشکگر لە ھاتووچۆی دەربەندیخان بە 964ـى وت،”لە ناوچەی شەمێرانی سەر بە قەزای دەربەندیخان، تراکتۆرێک وەرگەڕاوە و شۆفێرەکەی گیانی لەدەست داوە”.
“شۆفێرەکە تەمەنی 20 ساڵە، کەسێکی تری لەگەڵ بووە، بەڵام سەلامەتە و خەڵکی سامەران، لە گوندی گوڵەبی شەمێران نیشتەجێن و سەرقاڵی شوانکارەین”ئەو ئەفسەرە وای وت.
ئاماژەی بەوەشکرد، پێویستیان بە ئاو بووە رۆشتون ئاوی خواردنەوە بھێنن، بەڵام لەڕێگا توشى وەرگەڕان بوون.
پێداچوونەوە: وریا فەتاح
