بڕینەوەى دارى سروشتى لەلایەن چەند کەسێکەوە...وێنە: پۆلیسى دارستان و ژینگەى سلیمانى
سلێمانى
لەسەر راوکردن و بڕینەوەى دارى سروشتى پێنج کەس دەستگیرکران
964+
وریا فەتاح
پۆلیسى دارستان و ژینگەى سلێمانى، دەستگیرکردنى پێنج کەسى راگەیاند کە هەڵسابوون بە بڕینەوەى دارى سروشتى و راوکردن.
بەپێى راگەیەندراوەکەى پۆلیسى دارستان، لەلایەن بنکەی پۆلیسی سەیدسادقەوە دوو هاوڵاتى بە تۆمەتى بڕینەوەى دارى سروشتى دەستگیرکران و و پاش لێکۆڵینەوە و بەدواداچوون کەسیکى تریش بە هەمان تۆمەت دەستگیرکرا.
ئەوەش خراوەتەڕوو، لەگەڵ دەستگیرکردنى ئەو سێ هاوڵاتییەدا، هەورەها ماتۆڕێکی سێ تایە و یەک مشاری داربڕینیش دەستیان بەسەردا گیراوە.
ئاشکراشى کردووە، بنکەى پۆلیسى دارستانى عەربەتیش لە چەمی بێستانسووری، دوو هاوڵاتییان بە تۆمەتى راوکردن دەستگیرکردووە و دەستیشیانگرتووە بەسەر یەک ئۆتۆمبێل و یەک چەکى بادى.
