بەڕێوەبەرایەتی هاتوچۆی گەرمیان
ئەگینا لێ دەکرێنەوە
هاتوچۆی گەرمیان: بە پۆستەرەکانتان هێماکانی هاتوچۆ مەشارنەوە
964+
توانا نەقی
بانگەشەی هەڵبژاردن دەستی پێکردووە و دارو دیوار و زۆرینەی شوێنەکان بە پۆستەر و ریکلامی کاندیدی لایەنەکان تەنراون، هاوتچۆی گەرمیانیش تکا دەکات کە هێماکانی هاتوچۆ نەشارنەوە بەو ریکلامانە.
ئەمڕۆ چوارشەممە، هاتوچۆی گەرمیان بڵاویکردەوە، ئاگاداری سەرجەم لایەنە سیاسیەکان و کاندیدەکانیان دەکەنەوە کە پۆستەر وریکلامی بانگەشەی هەڵبژاردن لەو جێگایانە دانەنێن کە هێمای هاتوچۆی لێیە.
دەشڵێت، نابێت هێماکانی هاتوجؤ بشارنەوە و هەروەها گڵۆپی ترافیکلایتەکانیش بەکار نەهێنن.
جگە لەوانەش پۆستەر لە سەر شۆستە و لە بەرامبەر هێڵەکانی پەڕینەوە ئاستەنگی هاتوچۆیی دروست دەکات و نابێت دابنرێت، بە پێچەوانەوە داوای یاسایی لە سەر لایەنی سەرپێچیکار تۆمار دەکەین و پۆستەرەکانیان لێ دەکرێنەوە.
بانگەشەی هەڵبژاردانی پەرلەمانی کوردستان لە ئەمڕۆوە هەتا 15.10.2024 بەردەوام دەبێت و رۆژی 20.10ـەش هەڵبژاردن دەبێت.
