دیمەنی پاککردنەوەی قوتابخانەیەکی دارەتوو.وێنە.پارێزگای هەولێر
هەفتەیەکی ماوە کردنەوەیان
هەڵمەتی پاککردنەوەی قوتابخانەکان دەستی پێکرد
+964
توانا نەقی
وەک دەوترێت پشووی هاوین بڕایەوە و دەرگای مەکتەب کرایەوە، بەڵام جارێ لە هەرێمی کوردستان هەفتەیەکی ماوە و لە ئێستاوە دەستکراوە بە پاککردنەوە و ئامادەکاری بۆ کردنەوەی دەرگای قوتابخانەکان.
ئەمڕۆ چوارشەممە، پارێزگای هەولێر بڵاویکردەوە، لە چوارچێوەی هەڵمەتێکدا سەرجەم قوتابخانەکان پاکدەکەنەوە و ئامادەی دەکەن بۆ دەستپێکردنی ساڵی نوێی خوێندن.
دەشڵێت، لەلایەن خۆبەخشانی وەڵامدانەوەی قەیرانەکانی پارێزگا بە هەماهەنگی شارەوانی ناحیەی دارەتوو یەکەم هانگاوی پارکردنەوەیان لە قوتابخانەی هەڵەبەجە لەو ناحیەیە دەستپێکردووە و بن و بنمیچی قوتابخانەکەیان پاک ششتووە.
ئاماژەی بەوەشکردووە، ئەو هەڵمەتە لەماوەی ئەم هەفتەیە و هەفتەی داهاتوو بەردەوام دەبێت.
بە پێی بڕیاری وەزارەتی پەروەردەی هەرێـم رۆژی 25.9.2024 کە دەکاتە رۆژی چوارشەمەی داهاتوو دەرگای قوتابخانەکان لە هەرێمی کوردستان دەکرێتەوە و یەکەم زەنگی خوێندنی بۆ ساڵی 2024 – 2025 دەستپێدەکات.
