لە خەرەندی رواندز گەشتیارێک رزگار کرا-وێنە: بەرگری شارستانی سۆران
لە خەرەندی رواندز
جزدانی پارەکەی خەریک بوو سەری بخوا
شۆڕش قادری
لە خەرەندی رواندز گەشتیارێک بەهۆی جزدانی پارەکەی گیانی کەوتە مەترسییەوە و دواتر رزگار کرا.
کاروان میراودەلی وتەبێژی بەگریی شارستانیی سۆران بە 964ـی وت، “ئەمڕۆ سێشەممە 17.9.204 ئاگادار کراینەوە گەشتیارێکی خەڵکی هەولێر بەمەبەستی گەشت و سەیران رووی لە ناوچەکەمان کردووە و لە خەرەندی رواندز گیری خواردووە”.
“دوای ئاگادارکردنەوەکە، تیمێکی بنکەی بەرگریی شارستانیی رواندز دەرچوون بۆ شوێنی رووداوەکە و توانرا هاوڵاتییەكە رزگار بکرێت”، کاروان میراودەلی وای وت.
ئاماژەی بەوەش کرد، ئەو گەشتیارە بەهۆی کەوتنەخوارەوەی جزدانی پارەکەی چووەتە خوارەوە و دواتر بەهۆی سەختی و هەڵەتی شوێنەکە نەیتوانیوە بێتەوە سەرەوە و گیری خواردبوو.
