دیمەنی شارەزوور لە بەرزاییەوە وێنە: سۆشیاڵ میدیا
جگە لە کوژاندنەوەی ناوی مردوو
ماوەی ساڵێکە لە بەشی خۆراکی شارەزوور هیچ مامەڵەیەک ناکرێت
964+
ژێوار خدر
بەشی خۆراکی شارەزوور دەڵێت مەیەن هیچ مامەڵەیەک بکەن جگە لە کوژاندنەوەی ناوی مردوو، چونکە پێمان ناکرێ و سەرجەم مامەڵەکانمان لە بەغداوە راگیراوە.
بەشی خۆراکی شارەزوور دوێنێ پێنجشەممە 12.9.2024، ئاگادارییەکی بڵاو کردووەتەوە و دەڵێت “رۆژانە لەلایەن هاوڵاتییانەوە زۆر پرسیارمان لێ دەکرێت لەبارەی کاتی دەست پێکردنەوەی ئیش و کارەکانمان، بەڵام لە دەستی ئێمەدا نییە و ماوەی ساڵێکە کارەکانمان راگیراوە”.
روونیشیکردووەتەوە، ئێستا جگە لە کوژاندنەوەی ناوی مردوو، سەرجەم مامەڵەکانی زیادکردنی منداڵ، هاوسەرگیری، جیابوونەوە و نەقڵی فۆڕم راگیراون تا ئەو کاتەی لەلایەن بەغداوە بڕیاری تازەیان بۆ دێت.
