باڵیۆزخانەی ئەمریکا لە بەغدا. فۆتۆ: ئاژانسەکان
زیانی گیانی نەبوو
باڵیۆزخانەی ئەمریکا لە بەغدا: هێرشمان كراوەتەسەر
964+
ئەرسەلان عەبدوڵا
باڵیۆزخانەی ئەمریكا رایگەیاند، شەوی رابردوو هێرش کراوەتەسەر کۆمەڵگەی خزمەتگوزارییە دیپلۆماسییەکان لە بەغدا.
وتەبێژی باڵیۆزخانەی ئەمەریکا ئەمڕۆ چوارشەممە پشتڕاستی کردەوە، نیوەشەوی رابردوو هێرش کراوەتە سەر کۆمەڵگەی خزمەتگوزارییە دیپلۆماسییەکانی ئەمریکا لە بەغدا.
وتەبێژەكە بۆ ئاژانسی رۆیتەرز لێدوانی داوە و دەڵێت، “درەنگانێکی شەوی سێشەممە هێرش کرایە سەر کۆمپلێکسی خزمەتگوزاری دیپلۆماسی ئەمریکا لە بەغدا، بەڵام هیچ زیانێكی گیانی نەبوو.
سەرچاوەكە دەڵێت، باڵیۆزخانە خەریکی هەڵسەنگاندنی زیانەکان و هۆکاری هێرشەكەیە، لە کاتی تەواوبوونی هەڵسەنگاندنەکەدا زانیاری زیاتر رادەگەیەنن.
ئەو هێرشەی كراوەتە سەر ئەمریكییەكان لە بەغدا، لە كاتێكدایە ئەمڕۆ سەرلەبەیانی مەسعود پزیشكیان سەرۆك كۆماری ئێران بە سەردانێكی فەرمی گەیشتە بەغدا.
