لە دهۆک
باوکێک کوڕەکەی خۆی کوشت
+964
دلۆڤان رەمەزان – دهۆک
دوێنێ شەو کاژمێر 11:30خولەک، لە گەڕەکی رەزا لە سەنتەری شاری دهۆک، باوکێک کوڕەکەی خوی کوشت، پۆلیسیش دەڵێت بکوژەکەمان دەستگیرکردووە و لێکۆڵینەوەی لەگەڵدا دەکەین.
هێمن سلێمان، وتەبێژی پۆلیسی دهۆک بە 964ـی وت، دوێنێ شەو پیاوێک کوڕەکەی خۆی کوشتووە، راستەوخۆ پۆلیس گەیشتووەتە شوێنی رووداوەکە و بکوژەکەیان دەستگیرکردووە.
روونیشیکردەوە، تاوەکو ئێستا نازانین هۆکاری کوشتنەکە چی بووە، سەرقاڵی لێکۆڵینەوەین لەگەڵ تۆمەتبارەکە بۆ ئاشکرا کردنی هۆکارەکەی.
ئەو کەسەی کە کوژراوە تەمەنی 30 ساڵە، پیشەی پێشمەرگەیە و پلەی رائیدی هەیە.
پێداچوونەوە: ژێوار خدر
