کارکردن لە دووسایدی شاکەل لە رزگاری دەستیپێکردەوە

توانا نەقی

یەکێک لە پرۆژە گرنگەکانی ناحیەی رزگاری دووسایدی گەڕەکی شاکەل بووە کە 10 ساڵە بەهۆی قەیرانەوە وەستاوە و ئێستا کارکردن تیایدا دەستیپێکردووەتەوە.

ئیدارەی گەرمیان بڵاویکردەوە، ئێستا کار لە پرۆژەکە دەکرێت و لە ساڵی 2014ـەوە بەهۆی دروستبوونی قەیرانی دارایی نەتوانراوە ئیشی تیادا بکرێت.

ئەو پرۆژەیە لەسەر بودجەی وەزارەتی شارەوانی و گەشتوگوزار ئەنجامدەدرێت بە تێچووی 4 ملیۆن و 359 هەزار و 845 دۆلار. ئێستا لە 33% کارەکانی ئەو پرۆژەیە تەواو بووە.

ناحیەی رزگاری یەکێکە لە ناحیە گورەکانی قەزای کەلار و گەڕەکی شاکەل یەکێکە لە هەرە گەڕەکە گەورەکانی ئەو ناحیەیە.