دیمهنێكی ئاگره‌كه... وێنه: رێكخراوى مله‌كه‌وه.
هۆكاره‌كه‌ى نه‌زاندراوه
ئاگره‌كه‌ى گوندى چاژ 600 دۆنم دارستانى سووتاند
964+
فه‌رهاد حه‌سه‌ن
ئه‌و ئاگره‌ى ماوه‌ى 10 كاتژمێر له دارستانه‌كانى گوندى چاژى سنوورى قه‌زاى پێنجوێن كه‌تبووه‌وه، كۆنتڕۆڵ كراوه به‌ڵام زیانى به سه‌دان دۆنم دارستانى سنوورى ئه‌م گونده گه‌یاندووه.
ئاگره‌كه له كاتژمێر 2:00ـى دواى نیوه‌ڕۆى دوێنی سه‌ریهه‌ڵدا و له‌كاتژمێر نزیكى 12:00ـى شه‌وى رابردوو كۆنتڕۆڵكرا.
رێبوار كه‌مال، سه‌رۆكى رێكخراوى مله‌كه‌وه بۆ پاراستنى ژینگه، كه له‌رێگه‌ى تیمه‌كانیانه‌وه له‌گه‌ڵ به‌رگرى شارستانى گه‌رمك و گوندنشینانی ناوچەکە ئاگره‌كه‌یان كۆنتڕۆڵكرد، به 964ـى وت، به‌هۆى ئاگره‌كه‌وه نزیكه‌ى 600 دۆنم دارستان زیانى به‌ركه‌وت و سووتان.
وتیشی “كه‌س نازانێت هۆكارى ئاگركه‌وتنه‌وه‌كه چی بووه”.
ئاماژه‌ى به‌وه‌شكرد، تیمه‌كانى رێكخراوه‌كه‌یان له‌رێگه‌ى ئامێرى گڕكپه‌وه ئاگره‌كه‌یان كۆنتڕۆڵ كردووه كه ئامێرێكه كارئاسانى زۆر بۆ كوژاندنه‌وه‌ى ئاگره‌كان ده‌كات.
