شارى سۆران...وێنە: سۆشیال میدیا
سەردانى بەشى موڵکایەتى بکەن
خاوەن زەوییە سندوقییەکانى سۆران ئاگادار دەکرێنەوە
964+
وریا فەتاح
سەرۆکایەتى شارەوانى سۆران لە ئاگادارییەکدا ژمارەیەک خاوەن زەوى سندوقى ئاگادار دەکاتەوە کە سەردانى بەشى کوڵکایەتى بکەن بۆ جێبەجێکردنى مامەڵەکانیان.
ئاگادارییەکە ئاراستەى 54 خاوەن زەوى سندوقى سۆران کراوە کە مامەڵەکانیان لە لیژنەی باڵای زەوی سندوقی لە ئیدارەی سەربەخۆی سۆران کۆتایی هاتووە.
بەپێى ئاگادارییەکە بێت، لەمڕۆوە 25.8.2024 دەتوانن سەردانى بەشى موڵکایەتى بکەن بۆ ئەوەى مامەڵەکانیان جێبەجێ بکەن.
زەوی سندووقی، ئەو زەوییانەن کە چەپ و راستی بەشێوەی زێدەڕۆ کراون بە خانوو، بەڵام تائێستا رێگە نەدراوە زەوییە سندووقیەكە بکرێتە خانوو.
سەرۆکى شارەوانى سۆران
نرخى بەناوکردنى زەوى سندوقى 10%ـى کۆى نرخى زەوییەکەى تێدەچێت، واتا ئەگەر زەوییەک نرخەکەى 10 هەزار دۆلار بێت بۆ بەناوکردى دەبێت خاوەنەکەى 1000 دۆلار بدات.
لە رۆژى 7.7.2024، سەلوا شۆرۆ، سەرۆکى شارەوانى سۆران بە 964ـى وت، ئاگادارییەکە بۆ ئەو کەسانەیە کە لەلایەن لیژنەى باڵاى بەناوکردنى زەوییە سندوقییەکان رەزامەندیان بۆ دەرچووە کە مامەڵەى زەوییەکانیان بکەن و ژمارەیان سەروو 70 کەسە.
