وێنه پیاوه ونبووهكه كه كه‌سوكاره‌كه‌ى بۆ 964 یان ناردووه.
كه‌سوكارى به‌دوایدا ده‌گه‌ڕێن
له گوندێكى هه‌ولێر پیاوێكى ته‌مه‌ن 61 ساڵ به ئۆتۆمبێله‌كه‌یه‌وه ون بووه
964+
فه‌رهاد حه‌سه‌ن
له گوندى قۆڕیتانى سه‌ر به هه‌ولێر، پیاوێك ون بووه، كه‌سوكاره‌كه‌ى وێنه و زانیارییه‌كانیان بۆ 964 ناردووه و ده‌ڵێن، هه‌موو شوێنێكی به‌دوا گه‌ڕاون و نه‌یاندۆزیوه‌ته‌وه.
پیاوه‌كه ناوى سه‌لیم ئه‌بوزه‌یدە، ته‌مه‌ن 61 ساڵه، نه‌وه‌یه‌كی ده‌ڵێت نه‌خۆشی له‌بیرچوونه‌وه‌ى هه‌یه.
ئاكام جمشیر، نه‌وه‌ى ئه‌و پیاوه‌ی ون بووه، به 964ـى وت له كاتژمێر 1:00ـى نیوه‌ڕۆی ئه‌مڕۆ باپیره‌ى له ماڵ چووه‌ته‌ده‌ر و نه‌گه‌ڕاوه‌ته‌وه.
وتیشی “ئۆتۆمبێله‌كه‌شی بردووه كه له جۆرى تیوتا هایلۆكس (مه‌رزیه)یه و نازانین بۆ كوێ چووه”.
ئاماژه‌ى به‌وه‌ش كرد، ماوه‌یه‌كه باپیره‌ى نه‌خۆشی له‌بیرچوونه‌وه‌ى هه‌یه، بۆیه پێشتر كه ده‌چووه ده‌ره‌وه چه‌ند كه‌سێكى له‌گه‌ڵدا بوو، به‌ڵام ئه‌مجاره‌یان سویجى ئۆتۆمبێله‌كه‌ى له ماڵ بردووه و به ته‌نیا رۆیشتووه.
به قسه‌ى ئاكام، له ماوه‌ى ونبوونیدا سه‌رجه‌م نه‌خۆشخانه و لایه‌نه ئه‌منییه‌كانى وه‌ك پۆلیس و ئاسایش گه‌ڕاون و له‌هیچ یه‌كێك له‌و شوێنانه نه‌بووه.
كه‌سوكارى ئه‌م پیاوه ونبووه، ئه‌م ژماره مۆبایلانه‌یان بۆ هاوڵاتیان داناوه بۆ ئه‌وه‌ى له‌هه‌ر شوێنێك بیندرا، په‌یوه‌ندیان پێوه بكه‌ن:
07504900911
07512284006
