له كه‌ناڵى ABC نیوز
واده‌ى دیبه‌یته‌كه‌ى ترەمپ و هاریس دیاریكرا
964+
فه‌رهاد حه‌سه‌ن
دواجار ئه‌و واده‌یه دیاریكرا كه هه‌ریه‌ك له دۆناڵد تره‌مپ به‌ربژێرى كۆمارییه‌كان و كامالا هاریس به‌ربژێرى دیموكراته‌كان له دیبه‌یتێك رووبه‌ڕوى یه‌كدى ببنه‌وه، ئه‌و واده‌یه‌ش رۆژى 10.9.2024 كه له كه‌ناڵى ABC نیوزى ئه‌مریكی به‌ڕێوه‌ده‌چێت.
ماوه‌یه‌كى زۆره قسه له‌سه‌ر ئه‌نجامدانى دیبێته‌كه ده‌كرێت، به‌ڵام كێشه‌ى سه‌ره‌كی هه‌ردوو لا كات و شوێنه‌كه‌ى بوو.
هه‌رچه‌نده تره‌مپ وتبووى هاریس له‌و ئاسته‌دا نییه دیبه‌یت بكات به‌و پێیه‌ى تا ئێستا چاوپێكه‌وتنى نه‌كردووه، به‌ڵام به گرنگیشى زانیوه كه دیبه‌یتى له‌گه‌ڵ دا بكات و داواشی كردووه له‌جیاتى دیبه‌یتێك، سێ دیبه‌یت ئه‌نجام بده‌ن.
پێشتر دۆناڵد تره‌مپ له‌گه‌ڵ جۆ بایده‌ن لە 28.6.2024 له کەناڵی سی ئێن ئێنی ئەمریکی له دیبه‌یتێكدا رووبه‌ڕووى یه‌كدى بوونه‌وه، به‌ڵام دواى ئه‌وه‌ى بایدن له به‌ربژێرى پاشه‌كشه‌ى كرد، هاریس شوێنه‌كه‌ى گرته‌وه.
