وێنه: هێڵى ئاسمانى عێراقی
زیاتر له 270 هه‌زار سه‌رنشین و نزیكه‌ى 2000 گه‌شت
مانگى رابردوو هێڵى ئاسمانى عێراقی ژماره‌ى سه‌رنشین و گه‌شته‌كانى زیادبووه
964+
فه‌رهاد حه‌سه‌ن
هێڵى ئاسمانى عێراق ده‌ڵێت، مانگى ته‌مموز دۆخى هێڵه‌كه‌یان زۆر باش بووه و توانیویانه له‌و مانگه‌دا زیاتر له 270 هه‌زار سه‌رنشین بگوازنه‌وه.
مه‌ناف عه‌بدولمونعم، به‌ڕێوه‌به‌رى گشتى هێڵه‌كه ده‌ڵێت، له مانگى ته‌مموزدا ژماره‌ى سه‌رنشینى گواستراوه له‌رێگه‌ى هێڵه‌كه‌یان زۆر زیاد بووه و له‌به‌رامبه‌ر ژماره‌ى گه‌شته راسته‌وخۆكانیشیان زیادی كردووه.
وتیشی “ته‌نیا له مانگى ته‌مووزدا 272 هه‌زار و 972 سه‌رنشین گواستراونه‌ته‌وه و هه‌زار 859 گه‌شتیش ئه‌نجام دراون، كه ئاڕاسته‌كانیان له ناوخۆ و وڵاتانى هه‌رێمی و نێوده‌وڵه‌تى بووه”.
هه‌رچه‌نده به‌ڕێوه‌به‌رى گشتى هێڵه‌كه باسی ژماره‌ى سه‌رنشینانى مانگى پێشووتر ناكات، به‌ڵام ده‌ڵێت، مانگ له‌دواى ژماره‌ی گه‌شت و سه‌رنشینه‌كانیان زیاتر ده‌بێت.
