نەخۆشخانەى گشتى کەلار
نزیکەى ساڵێکە وەستاوە
دەوامى پێنجشەممانى نەخۆشخانەى گشتى کەلار دەستپێدەکاتەوە
964+
وریا فەتاح
لە رۆژى پێنجشەممەوە دەوامى رۆژانى پێنجشەممە لە نەخۆشخانەى گشتى کەلار دەستپێدەکاتەوە، ئەوەش دواى یەک ساڵ لە وەستاندنى.
دکتۆر سیروان محەمەد، بەڕێوەبەرى گشتى تەندروستیى گەرمیان بە 964ـى وت، لەسەر فەرمانى وەزارەتى تەندروستى، دەوامى رۆژانى پێنجشەممان لە نەخۆشخانەى گشتى کەلارەوە دەستپێدەکاتەوە و لەم هەفتەیەوە ئاسایى دەبێتەوە.
وەک باسى دەکات، بەهۆى قەیرانى موچەوە لە کۆتاییەکانى 2023ـەوە دەوامى نەخۆشخانەکان کەمکرایەوە و رۆژانى پێنجشەممە کرا بە پشوو، بەڵام لەم پێنجشەممەیەوە دەوام ئاسایى دەبێتەوە.
