دوو لە ئەندامانی خێزانێک بە رووداوێکی هاتوچۆ گیانیان لەدەستدا
لە جەلەولا
ژن و مێردێک لە رووداوێکى هاتوچۆدا گیانیان لەدەست دا
964+
ڕاژان باجەڵان – خانەقین
بەرەبەیانی ئەمڕۆ خێزانێکى دانیشتووی شارۆچکەی سەعدییە لەکاتى چوونیان بەرەو شارۆچکەی جەلەولا تووشی رووداوێکی هاتوچۆ بوون و بەهۆیەوە دایک و باوکەکە گیان لەدەست دا.
دکتۆر محەمە دمتعەب، بەرێوەبەری نەخۆشخانەی جەلەولا بە 964ـى وت، رووداوەکە کاتژمێر 5ـى بەرەبەیان روویداوە، هەر لە شوێنى رووداو ژن و مێردێک گیانیان لەدەستداوە و منداڵە دووساڵەکەشیان بریندار بووە و بەرەو نەخۆشخانەى گشتیى بەعقوبە رەوانەکراوە.
وەک باسى دەکات، تەندروستى منداڵەکەش باش نییە.
ئیبراهیم کڕوی شایەتحاڵێکی رووداوەکەیە و بە 964ـى وت، رووداوەکە لەنێوان ئۆتۆمبێلی BMW و بارهەڵگرێک بووە و دەماودەست ئەو خێزانە دوو کەسیان گیانیان لەدەستداوە و شۆفێری بارهەڵگرەکە وەزعی باشبوو .
وەک ئەوەى ئەو شایەدحاڵەکە باسى دەکات، بەهۆى خراپى رێگاکە دروستبوونى لادانى کاتى، چەندین رووداوى هاتووچۆ لە رابردوودا روویانداوە.
پێداچوونەوە: وریا فەتاح
