کار کردن لە رێگاکەدا وێنە: وەزارەتی ئاوەدانکردنەوە و نیشتەجی کردن
ناحیەی بەکرەجۆ
رێگای گوندی فەیاڵ قیرتاو دەکرێت
964+
ژێوار خدر
پڕۆژەی قیرتاوکردنی گوندی فەیاڵ، لە ناحیەی بەکرەجۆی پارێزگای سلێمانی دەستیپێکردووە و رێگەی سەرەکیی گوندەکە بە دریژایی 850 مەتر قیر دەکرێت.
ئەمڕۆ یەکشەممە، وەزارەتی ئاوەدانکردنەوە و نیشتەجێکردنی هەرێمی كوردستان، لە فەیسبوک بڵاویکردووەتەوە، پڕۆژەکە بە بڕی زیاتر لە 98 ملیۆن دینار، لەسەر بودجەی ئاسایی وەزارەتی ئاوەدانکردنەوە و نیشتەجیکردن بە شێوازی راستەوخۆ لەلایەن بەڕێوەبەرایەتیی چاککردن و پاراستنی رێگاوبانی سلێمانییەوە جێبەجێ دەکرێت.
بەپێی ئەو وێنانەی وەزارەتەکە بڵاوی کردونەتەوە، بەشێکی زۆری کارەکانی رێگاکە گەیشتووەتە كۆتایی و لەوە دەچێت لە داهاتوویەکی نزیکدا ئامادە بێت بۆ ئەوەی بەڕووی هاوڵاتیاندا بکرێتەوە.
