برينی سێ کەسیان سەختە
لە رووداوێکی هاتوچۆدا پێنج کەس بریندار بوون
964+
رێژوان مامە قادر – سلێمانی
لە رووداوێکی هاتوچۆدا لە نزیک تەکیە پێنج کەس بریندار بوون و هاتوچۆی چەمچەماڵ دەڵێت، برینی سێ کەسیان سەختە.
رووداوەکە وەرگەڕان بووە و ئۆتۆمبێلی جۆری لانسەر ویستوویەتی لە سلێمانییەوە بچێت بۆ کەرکوک، دوای دەرچوون لە تەکیە لە دەستی وەردەگرێت و وەردەگەڕێت.
عومەر عەلی، بەڕێوەبەری هاتوچۆی چەمچەماڵ بە 964ی راگەیاند، ئۆتۆمبێلەکە پێنج کەسی تێدا بووە و هەر پێنجیان بریندار بوون.
وتیشی، “شۆفێرەکە و هاوسەرەکەی و منداڵێکی تەمەن پێنج ساڵەیان تەندروستییان ناجێگیر بووە و برینەکەیان سەخت بووە و رەوانەی سلێمانی کراون”.
پێداچوونەوە: ئەرسەلان عەبدوڵا
