لە گوندێکی خانەقین گەنجێک گیانی لەدەستدا 

964+
راژان باجەڵان – خانەقین

ئێوارەی ئەمڕۆ یەکشەممە 28.7.2024 ماتۆرسوارێک بە رووداوێکی هاتوچۆ گیانی لەدەستدا .

رووداوه‌كه‌ له‌ نزیک گوندی تەفرەقە له‌نێوان ماتۆڕسكیلێك و ئۆتۆمبێلێك روویداوە.

قاسم زەرگۆشی خەڵکی ئه‌م گوندە بۆ 964، رووداوه‌كه‌ى پشتڕاستكرده‌وه‌ و ئاماژه‌ى به‌وه‌شكرد، هەردولا خزمى یه‌كترین.

وتیشی “پۆلیس شۆفێری ئۆتۆمبێله‌كه‌ى دەسگیرکردووە و ئه‌وه‌ى گیانیشی له‌ده‌ستداوه‌ پاش تەواوکردنی رێکارەکان بەرەو گۆڕستان بەڕێى دەکەن”.

لایخۆشییه‌وه‌، دکتۆر شوان شاکر، به‌ڕێوه‌به‌رى نەخۆشخانەی خانەقین بە 964ـى وت، ئێوارەی ئەمڕۆ پیاوێکی تەمەن 34 ساڵ بە ناوی (م. ف) بە مردوویی گەیەنراوەته‌ نەخۆشخانەكه‌یان.

پێداچوونەوە؛ فەرهاد حەسەن

کارگوزارانی نەخۆشخانەی خانەقین مانیان گرت و کاسباکارانی مەیدانی ئاژەڵانی سلێمانیش دەستگیر کراون