كۆڕبەندی ئابوری وێنە: میدیاكان
ئۆزباكستان باوەش بۆ كۆڕبەندی هاوكاریی ئابووری دەكاتەوە
+964
كوردستان ئەحمەد- هەولێر
چالاکییەکانی خولی بیستوشەشەمین کۆبوونەوەی وەزیرانی دەرەوەی وڵاتانی رێکخراوی هاوکاریی ئابووری لە تاشکەندی پایتەختی ئۆزباکستان دەستیپێكرد.
توركیا لەسەر ئاستی باڵا بەشداری لە كۆڕبەندەكەدا كردووە و مەولود چاوشئۆغڵو ئەمڕۆ وتاری دەبێت.
بەختیار سادیۆڤ، جێگری وەزیری دەرەوەی ئۆزباکستان وتاری ده‌ستپێكی كۆبوونه‌وه‌كه‌ی پێشكەش كرد و رایگەیاند، “ئەم خولە گرنگییەكی گەورەی بۆ ناوچەكە هەیە”.
بەقسەی سادیۆڤ، رێکخراوەکە دەرفەتێكی ئابووریی گەورەیه و وڵاتانی ئەندام توانای پەرەپێدانی هاریکارییان هەیە لە بوارەکانی بازرگانی، ژێرخان، پیشەسازی، گەشتیاری و ژینگەدا.
رێکخراوی هاوکاریی ئابووری پێكدێت لە تورکیا، ئازەربایجان، ئێران، پاکستان، کازاخستان، قرغیزستان، ئۆزباکستان، تاجیکستان، ئەفغانستان و تورکمانستان.
كۆبوونەوەكە دوو رۆژ دەخایەنێت و گفتوگۆ لەسەر چەند پرسێكی جیاوازی ناوچەكە دەكەن.