لە سیدەکان
منداڵێک بە حاڵەتێکی نامۆ گیانی لەدەست دا
964+
ئاکام غەفور – سۆران
لە قەزای سیدەکان منداڵێکی تەمەن یەک ساڵ لە لانکدا (بێشکە) خنکاوە و گیانی لەدەستداوە.
منداڵەکە کوڕە و دانیشتوی قەزای سیدەکانن و ماوەیەکی زۆر دەسترازەی لانکەکەی لە ملی گیر بووە و کەس ئاگای لێ نەبووە و تاوەکو گیانی لەدەستداوە.
کاروان فەیسەل، بەڕێوەبەری نەخۆشخانەی سیدەکان بە 964ـی وت،”ئەمشەو منداڵێک گەیەندراوە فریاکەوتنی نەخۆشخانەکەمان کە لەناو لانکدا خنکابوو، بە قسەی کەسوکاری سەری لە لاننکەکەی هاتووەتە دەرەوە و ئاگایان لێ نەبووە”.
وتیشی، لە دوای گەیاندنی بە نەخۆشخانە زۆر هەوڵماندا بە رێگای دەست و ئامێری کارەبایی ژیانی بۆ بگەڕێنینەوە، بەڵام نەمانتوانی و دوای کاری پێویست تەرمەکەی رادەستی کەسوکاری کرایەوە.
پێداچوونەوە: توانا نەقی
