گەنجێك لە گوندێكی ناحیەی سیروان كوژرا

964+
ئەرسەلان عەبدوڵا

ئێوارەی ئەمڕۆ لە گوندی بەکراوای سەر بە ناحیەی سیروان لە ئەنجامی شەڕ و دەمەقاڵی گەنجێک كوژرا.

عەقیدی بەرزان عوسمان، وتەبێژی بەڕێوەبەرایەتیی پۆلیسی پارێزگای هەڵەبجە بە 964ی وت، گەنجەكە تەمەنی 19 ساڵە بەناوی (س . س. ع)، دانیشتووی گوندی بەکراوایە، سەرەتا چەقۆی لێدراوە و بریندار بووە، بەڵام بەهۆی پاش گەیشتنی بە نەخۆشخانەی فریاکەوتنی هەڵەبجە، بەهۆی سەختی برینەکەیەوە گیانی لەدەست دا و تەرمەکەشی ڕەوانەی پزیشکی دادی کرا.

وتیشی، فەرمانی گرتن بۆ دوو تۆمەتبار دەرچووە بەپێی ماددەی 406 لە یاسای سزاکان و ئێستا تیمەکانی پۆلیس سەرقاڵی گەڕانن بە دوای تۆمەتباران، دۆسیەی لێکۆڵینەوەش بۆ رووداوەکە لە بنکەی پولیسی سیروان رێکخراوە.

گەنجێک لە بامەڕنێ کوژرا و هاوڕێیەکی بە کوشتنی تۆمەتبارە