هۆڕنى هه‌وایی و بلاجكتۆر له‌وانه‌ن
هاتوچۆى دهۆك ده‌ستبه‌سه‌ر هه‌ندێك كه‌لوپه‌ل داده‌گرێت ده‌ڵێت قه‌ده‌غه‌ن
964+
فه‌رهاد حه‌سه‌ن
هاتوچۆى پارێزگاى دهۆك ده‌ڵێت، هه‌ندێك كه‌لوپه‌ل قه‌ده‌غه‌ن نابێت هاوڵاتى و شۆفێران به‌كاریان بهێنن، بۆ ئه‌مه‌ش ده‌ستیان به‌سه‌ر ژماره‌یه‌كی زۆرى ئه‌و كه‌لوپه‌لانه‌دا گرتووه و له گرته ڤیدیۆیه‌كیشدا ده‌رده‌كه‌وێت كه ئه‌و كه‌لوپه‌لانه‌یان له‌ناو بردوون.
كه‌لوپه‌له‌كان بریتین له بلاجكتۆر، هۆڕنى هه‌وایی، گڵۆپی نه‌شره‌ى پۆلیس، فه‌ڕاره‌ى پۆلیس و په‌رده.
هاتوچۆى دهۆك ده‌ڵێت، به‌كارهێنانى ئه‌م كه‌لوپه‌لانه نایاسایین و ئه‌وه‌ى پێی بگیرێت ده‌ست به‌سه‌ر ئۆتۆمبێله‌كه‌یدا ده‌گیرێت و رووبه‌ڕووى یاساش ده‌كرێته‌وه.
داواش له شۆفێران و هاوڵاتیان ده‌كات، خۆیان له‌به‌كارهێنانى ئه‌م جۆره كه‌لوپه‌له نایاساییانه به‌دوور بگرن.