دیمەنی سەردانی لیژنەکانی قایمقامیەتی رانیە _ وێنە: قایمقامیەتی رانیە
رێنماییان کردوون
لیژنەکانی رانیە بۆ جوتیاران: سەوزە بە دەرمانەوە مەنێرن بۆ خەڵک
964+
ئەحمەد مستەفا
لە سەرکەپکان، لیژنەکانی قایمقامیەتی رانیە “رێنماییان دا بە سەوزە فرۆشەکان”، تا لە کاتی پێویست و بە گوێرەی هەندێک رێکار دەرمان لە نێو کێڵگەکانی سەوز بەکاربهێنن.
لێژنە هاوبەشەکانی قایمقامیەتی رانیە، ئەمڕۆ دووشەممە سەردانی بەشێک لە جوتیارانی سنوری ناحیەی سەرکەپکانیان کرد.
لیژنەکە لە راگەیەندراوێکدا دەڵێت، “بە مەبەستی پێدانی رێنمایی بەکارهێنانی دەرمانی کشتوکاڵی و دڵنیا کردنەوە لە ماوەی پاراستنی دەرمانە کشتوکاڵییەکان، لە کاتی رشاندن و ئاودان بە جۆرێک بێت هۆکارێک نەبێت بۆ گواستنەوەی دەرمانی کشتوکاڵی، کە پێیان داون”.
ئەوان ئاماژە بەوە دەکەن، هەوڵەکانیان بۆ ئەوەیە، “لە رێگای خواردنی سەوزەی کاڵەوە دەرمانی کشتوکاڵی بۆ مرۆڤ نەگوازرێتەوە”، بۆ ئەو مەبەستەش رێنمایی پێویستیان پێدرا، ئەو جۆرە سەردانانەش بەردەوام دەبن بۆ هۆشیارکردنەوەی خاوەن زەوییە کێڵراوەکان.
راگەیاندنی قایمقامیەتی قەزای رانیە ئاماژەی بەوەش کردووە، “بۆ گەیاندنی سکاڵا و زانیاری لە کاتی بینینی سەرپێچی، پەیوەندی بکەن بە ژمارە مۆبایلی 07708593000”.
