لە دهۆک
نرخى ئەمپێرێک کارەباى مۆلیدە 15 هەزار دینارى تێپەڕاند
964+
زەید کۆچەر-دهۆک
لە مانگى رابردوودا، مۆلیدە ئەهلییەکانى دهۆک 350 کاتژمێر کاریان کردووە و هەر ئەمپێرێکیش لە نرخى کارەباى مۆلیدە سەروو 15 هەزار دینار بۆ هاوڵاتیان هاتووەتەوە.
هەکار هروری، نوێنەری مۆلیدە ئەهلییەکانی پارێزگای دهۆک بە 964ـى وت، بۆ مانگى شەش بڕى 15 هەزار و 250 دینارى عێراقى بۆ هەر ئەمپێرێک کارەباى مۆلیدە لە دهۆک دیاریکراوە.
ئاشکراشى کرد، مۆلیدەکان لەو مانگەدا 350 کاتژمێر کاریان کردووە و کارەبایان بە هاوڵاتیانداوە،
“لیژنەیەکى تایبەتى قایمقامییەتى دهۆک، سەردانى کۆڵانەکان دەکەن و چاودێرى هێزى ڤۆڵتییەى کارەباى مۆلیدەکان دەکەن، هەر مۆلیدەیەک ڤۆڵتییەکەى مەم کردبێتەوە لە نرخى ئەمپێرى کارەباکەى دەشکێنرێت”، هەکار هرورى واى وت.
پێداچوونەوە: وریا فەتاح