لەحیمچییەک گیانی لەدەست دا.
"لە قەزای کفری"
وەستایەک لە کاتی لەحیمکردنی تانکەرێکدا گیانی لەدەست دا
+964
میلاد جەلال – گەرمیان
کەمێک پێش ئێستا لە شەقامی پشتێنەیی قەزای کفری، کەسێک کە دوکانی لەحیمکردنی ھەبووە، لەکاتی لەحیمکردنی تانکەرێکی چیمەنتۆدا، پێیدا تەقیووەتەوە و گیانی لەدەست دا.
ئەو کەسە ناوی (م. ر)، تەمەنی 37 ساڵە و دانیشتووی گەڕەکی پریادی کەرکوکە و لە کفری دوکانی ھەبووە.
سامان سەرتیپ، بەڕێوەبەری نەخۆشخانەی شەھید خالید گەرمیانی لە قەزای کفری بە 964ى وت،”کەمێک پێش ئێستا تەرمی ئەو پیاوە ھێنرایە نەخۆشخانەکە و دەستبەجێ لە شوێنی رووداوەکە گیانی لەدەستدابوو”
ئاماژەی بەوەش کرد، دواتر تەرمەکەی رەوانەی پزیشکی داد دەکرێت لە قەزای کەلار.
پێداچوونەوە: ئەرسەلان عەبدوڵا
