وێنەی تۆمەتبارەکە و ئەو مۆبایل و پارانەی کە پێیگیراوە. فۆتۆ: پۆلیسی سلێمانی
دوای تاوانەکە هەڵاتووە
ئەو ماتۆڕسوارە دەستگیرکرا کە پارەو مۆبایلى لە کچێک سەندبوو
964+
ژووری هەواڵ
لە سلێمانی کەسێک بە ماتۆڕ رێگری لە کچێک کردووە و مۆبایل و پارەی لێسەندووە، لەسەر ئەوە پۆلیس دەستگیریان کرد.
ئەمڕۆ دووشەممە 24.6.2024، پۆلیسی سلێمانی رایگەیاند، تۆمەتبارەکە لەدوای ئەوەی هێرشیکردووەتە سەر کچەکە و پارە و مۆبایلەکەی لێسەندووە، بۆ شوێنێکی نادیار هەڵاتووە، بەڵام دواتر لەلایەن نوسینگەی نەهێشتنی تاوانی راپەڕینەوە دۆزراوەتەوە و دەستگیر کراوە.
لەكاتی دەستگیركردنیشیدا دەستگیراوە بەسەر ئەو پارەو مۆبایلەدا كە تۆمەتبار بردبووی لەگەڵ ماتۆڕسكیلێك كە بەتۆمەتبار بووە.
تۆمەتبارەکە دەمەنی 19 ساڵە و بەپێی مادەی 443 لەیاسای سزادانی عێراقی راگیراوەو دانی بە تاوانەكەیدا ناوە.
