دیمەنی هەیکەلی نەخۆشخانەی فریاکەوتنی بەحرکە.وێنە.پارێزگای هەولێر
50 قەرەوێڵیەییە
فریاکەوتنەکەی بەحرکە لە 30% تەواو بووە
964+
توانا نەقی
پڕۆژەی نەخۆشخانەی فریاکەوتنی بەحرکە کە نەخۆشخانەیەکی 50 قەرەوێڵەییە لەلایەن وەزیری تەندروستیەوە بەسەرکرایەوە و کارکردن تیایدا بەردەوامە.
پارێزگای هەولێر بڵاویکردەوە، نەخۆشخانەکە لەسەر رووبەری 5000 مەتر دووجا لەسەر ئەرکی خێرخوازێک دروست دەکرێت.
نەخۆشخانەکە پێکهاتووە لە سێ نهۆم و 50 قەرەوێڵەییە و سێ هۆڵی نەشتەرگەری تێدایە، وێڕای بوونی بەشی ICU لەنەخۆشخانەکە.
تۆڵە مەهدی خۆشناو بەڕێوەبەری ناحیەی بەحرکە بە 964ـی وت، تا ئێستا لە 30%ـی نەخۆشخانەکە واتە تەنیا هەیکەلی تەواو بووە و بەس زەویەکەی حکومەت دابینی کردووە ئەگینا دروستکردنەکەی لەلایەن خێرخوازێکی بەحرکەوە دەکرێت.
وتیشی، بە تەواو بوونی دەبێتە سێیەم نەخۆشخانەی فریاکەتن لە هەولێر دوای فریاکەتنی رۆژئاوا و رۆژهەڵات، هەروەها جگە لە هاوڵاتیانی بەحرکە هاوڵاتیانی ناوچەی بەرانەتی و زرارەتیش سوودمەند دەبن.