١٠٠٪ زیادی کردوە
لەم مانگەدا هەشت کۆڵبەر کوژراون
964+
سۆما حەکیم زادە
لەم مانگەدا هەشت کۆڵبەر کوژراون کە زۆرینەى زۆریان بە تەقەى راستەوخۆى هێزە پاسەوانى سنوورى ئێران پێکراون.
بەپێى راپۆرتى رێکخراوى مافى مرۆڤى هەنگاو، لەم مانگەدا 13 کۆڵبەر لە سنوورەکانى کوردستان بە تەقەى راستەوخۆى هێزەکانى سنوورى ئێران پێکراون و لەو ژمارەیە هەشتیان کوژراون و پێنج کۆڵبەریش بریندارکراون.
وەک ئەوەى رێکخراوەکە ئاشکراى کردووە، ئامارەکان بەراورد بە مانگى نیسانى رابردوو 100% زیادى کردووە.
لەناو کۆڵبەرە بریندارەکاندا، مێردمنداڵێکى تەمەن 17 ساڵى خەڵکى سەردەشت هەیە کە بەچەکى جۆرى ساچمە چاوێکى لەدەستداوە.
سنوورەنى پارێزگاى سنە بە کوژران و بریندار بوونى 10 حاڵەت لە کۆى 13 حاڵەتى ئەم مانگەدا پشکى شێرى بەرکەوتووە.
