ئەوە نەما لە زەڕایەن موکەبەرە دابنێیت و تا ئێوارە باسی میوەکانت بکەیت

964+

پێشەوا محەمەد

بەڕێوەبەرایەتیی ناحیەی زەڕایەن بڕیاری دا چیتر نابێت میوەفرۆشەکانی ناوبازاڕ مکەبەرە بەکاربهێنن، بەڵام بڕیارەکە ئەو ئۆتۆمبێلانە ناگرێتەوە کە لە کۆڵانەکان میوە و سەوزە دەفرۆشن.

ئاوارە حەمەشەریف، بەڕێوەبەری ناحیەی زەڕایەن بە 964ـی راگەیاند، میوەفرۆشەکانی ناوبازاڕ پێویست ناکات مکەبەرە بەکاربهێنن، چونکە نرخەکانیان هەمووی نووسیوە و دیارە و هەرچی بشچێتە بازاڕ دەیانبینێت.

وتیشی، “دەنگی مکەبەرەکان بەرز بوون و زۆریش بوون، دوکاندارەکان و خەڵکانێکیشیان بێزار دەکرد، کە بۆ ئیسراحەت و پیاسەکردنێک دەچوونە بازاڕی زەڕایەن”.

لە شارەکانی کوردستان بە زەڕایەنیشەوە، ئۆتۆمبێلی جۆراوجۆر بۆ فرۆشتنی سەوزە و میوە بە کۆڵانەکاندا دەگەڕێن، بە وتەی بەڕێوەبەری ناحیەی زەڕایەن، بڕیارەکەیان مکەبەرەی ئەو ئۆتۆمبێلانە ناگرێتەوە.

جەختی لەوەش کردەوە، دەستبەسەر مکەبەرەی میوەفرۆشەکاندا دەگرن ئەگەر بێت و لە بەکارهێنانی بەردەوام بن..

بە سێ ملیۆن دینار کێشەى کۆبوونەوەى ئاو لە زەڕایەن چارەسەر دەبێت