لە رێگای کەلار - خانەقین
تانکەرێک ئاگری گرت و شۆفێرەکەی گیانی لەدەستدا
964+
میلاد جەلال – گەرمیان
درەنگانی شەوی رابردوو، تانکەرێکی گواستنەوەی سوتەمەنی لەسەر رێگای کەلار – خانەقین لە نزیک گوندی تۆپ عەسکەر، لەکاتی بەتاڵکردنی سوتەمەنیەکەی دەتەقێتەوە و شۆفێرەکەشی گیانی لەدەستدا.
روداوەکە نزیک کاتژمێر 12:30 خولەکی شەوی رابردوو روویداوە.
ئیبراھیم محەمەد، وتەبێژی بەرگری شارستانی گەرمیان بە 964ـی وت،”تانکەرەکە جلیکانە بەنزینی تێدابووە، شۆفێرەکەی لەکاتی دەرھێنانی بەنزینەکەی ناوی، تانکەرەکەی گڕی گرتووە و تەقیوەتەوە، شۆفێرەکەی نەیتوانیوە خۆی ڕزگار بکات، بەتەواوی سوتاوە و گیانی لەدەستداوە”.
ئاماژەی بەوەشکرد، بەقسەی شایەتحاڵەکان و ئەوکەسانەی لە نزیکی رووداوەکەبوون، شۆفێری تانکەرەکە برایەکی خۆیشی لەگەڵ بووە لەکاتی گڕگرتنی تانکەرەکە و براکەی سەلامەتە.
پەیامنێری 964 پەیوەندیکرد بە عەلی جەمال قدوری، وتەبێژی پۆلیسی گەرمیان، بەڵام وەڵامی پەیوەندیەکەیان نەدایەوە.
پێداچوونەوە: توانا نەقی
