ژاپۆن نرخی ڤیزای بۆ گەشتیارانی عێراق و هەرێم هەرزان کرد

964+
ئەحمەد مستەفا

باڵیۆزی ژاپۆن لە عێراق ئەمڕۆ دووشەممە وتی، نرخی وەرگرتنی ڤیزای وڵاتەكەیان بۆ هاوڵاتییانی عێراقی هەرزان كردووە، و لە 32 هەزار دینارەوە کردوویانە بە 30 هەزاری دیناری تەواو.

ئەو کەسانەی خوازیارن دەتوانن، بچن لە نوسینگەی هەولێر یان لە باڵیۆزخانەی بەغدای ئەو وڵاتە، داواكاری وەرگرتنی ڤیزا پێشكەش بکەن.

لە زاری فوتۆشی ماتسومۆتۆ، باڵیۆزی ژاپۆن لە بەغدا ئەمڕۆ دووشەممە 1.4.2024، لە بڵاوکراوەیەکدا دەڵێت، تێچووی وەرگرتنی ڤیزای ژاپۆن بۆ هاوڵاتییانی عێراقی لە 32 هەزار دینارەوە بۆ 30 هەزار دینار كەم كرایەوە.

باڵیۆزخانەکە دەشڵێت، بڕیارەكە لە ئەمڕۆ دووشەممە، دەكەوێتە بواری جێبەجێكردنەوە و سەرجەم هاوڵاتییانی عێراقی دەتوانن داوای وەرگرتنی ڤیزای وڵاتی ژاپۆن بكەن.

بەرچاوو روونی لەوەشداوە، كە داواكاری وەرگرتنی ڤیزای وڵاتی ژاپۆن لە نوسینگەی ڤیزای كونسوڵخانەی هەولێر و باڵیۆزخانەی بەغدا وەردەگیرێت.

عێراق بۆ تورکیا: نووسینگەی پێدانی ڤیزا لە فڕۆکەخانەکان بکەنەوە

بازرگانانی هەولێر داوای کەمکردنەوەی پارەی ڤیزای بەریتانیا دەکەن

بە پشتگیری ژووری بازرگانی سلێمانی ڤیزای چین وەردەگرن