هۆبەی فریاکەوتنی نەخۆشخانەی فێرکاری شەهیدانی قەڵادزێ. فۆتۆ: تەندروستیی راپەڕین
کارمەندانى تەندروستى
موچەیان وەرگرت و بایکۆتیان شکاند
964+
وریا فەتاح
دواى پێنج رۆژ لە بایکۆتى سەرتاسەرى، ئەمڕۆ کارمەندانى تەندروستى موچەیان وەرگرت و بریاریاندا بایکۆت بشکێنن.
سەندیكای كارمەندانی تەندروستی كوردستان / لقی سلێمانی، ئاگادارى کارمەندانى تەندروستى دەکاتەوە، دواى ئەوەى ئەمڕۆ موچە دابەشکرا سبەینێ لە سەرجەم ناوەندەکانى تەندروستى دەست بە دەوام بکەنەوە.
رۆژى 25.3.2024، لە سلێمانى کارمەندانی سەندیکاى تەندروستی بایکۆتى سەرتاسەرییان راگەیاند و دەڵێن جگە لە کارمەندانی نەخۆشخانەکانی فریاکەوتن، هیچ کارمەندێکی دیکەیان نەچوونەوە دەوام.
پێشتر هاوژین عوسمان، سەرۆکی لقی سلێمانیی سەندیکای تەندروستی لە کۆنفرانسێکی رۆژنامەوانیدا رایگەیاند، بەهۆی بێموچەییەوە کارەکانیان لە کەرتی حکومی رادەگرن و تەنیا لە شوێنە هەستیارەکان دەوام دەکەن.
