رۆژى ژینگهى پهروهردهیه له ههرێم
كۆتا رۆژى ئهم مانگه تهواوى ناوهندهكانى خوێندن پاكدهكرێنهوه
964+
فهرهاد حهسهن
بڕیاره له رۆژی 31.3.2024 ههڵمهتێكی پاككردنهوهى سهرجهم ناوهندهكانى خوێندن له ههرێمی كوردستان ئهنجام بدرێت و لهگهڵیشیدا نهمام بچێندرێت و سهوزایی ناوهندهكانى خوێندنیش زیاد بكرێن.
ئهم بڕیاره لهلایهن بەڕێوەبەرایەتیی گشتیی چالاکی وەرزش و هونەر له وهزارهتى پهروهردهى ههرێم دراوه و بۆنهكهش رۆژى ژینگهى پهروهردهیە له ههرێمی كوردستان.
گشتاندنێک بۆ سەرجەم بەڕێوەبەرایەتیی گشتی پەروەردەکانی هەرێمی کوردستان بڵاوکردووەتەوە، كه تهواوى ناوهندهكانى خوێندن به حكومی و ناحكومى و (باخچهى منداڵان، قوتابخانه و خوێندنگەكان و پهیمانگەكان) دهگرێتهوه بۆ پابهندبوونیان به ئهنجامدانى چالاكی ژینگهیی لهم رۆژهدا.
چالاكییه ژینگهییهكان كه بهپێی بڕیارهكه بۆیان دیاریكراوه، بریتین له نهمام چاندن و پاككردنهوهى ناوهندهكانى خوێندن و سهوزكردنیان.
ئاماژه بهوهش كراوه، لهم رۆژهدا دهوام ئاسایی دهبێت و پێویسته لهو ناوهندانهى خوێندن دوو له وانهكانیان تایبهت بكرێت به چالاكی ژینگهیی و باسكردنى پاراستنى ژینگه.