دیمهنێك لهكاتى دروستكردنى خه‌زانه‌كه... وێنه: شاره‌وانى ناحیه‌ى ئیسێوه
ئیسێوه سه‌وزاییه‌كه‌ى زیاد ده‌كات
خه‌زانێك بۆ ئاودانى سه‌وزاییه‌كان و حاڵه‌ته كتوپڕه‌كان دروستكرا
964+
فه‌رهاد حه‌سه‌ن
شاره‌وانى ناحیه‌ى ئیسێوه‌ى سه‌ر به پشده‌ر بۆ ئاودانى سه‌وزاییه‌كانى و دروستبوونى حاڵه كتوپڕه‌كان خه‌زانێكی ئاوى دروستكردووه كه 30 هه‌زار لیتر ئاو ده‌گرێت.
مه‌گرون حه‌مه‌ده‌مین، سه‌رۆكى شاره‌وانى ئیسێوه به 964ـى وت، ماوه‌یه‌كه خه‌ریكی دروستكردنى ئه‌م خه‌زانه‌ن و ئێستا كاره‌كانى كۆتایی پێهاتووه.
وتیشی “خه‌زانه‌كه بۆ ئاودانى سه‌وزاییه‌كانى ئه‌م ناحیه‌یه و حاڵه‌تى كتوپڕه‌كانه، له‌وانه‌ش ئاگركه‌وتنه‌وه”.
به‌قسه‌ى سه‌رۆكى شاره‌وانى، به‌هۆى ئه‌وه‌ى ئه‌م ناحیه‌یه هیچ نه‌خشه‌یه‌كی نیه بۆیه كه‌مترین رێژه‌ى سه‌وزایی له‌ناو سه‌نته‌رى ناحیه‌دا هه‌یه و ئه‌وه‌ى هه‌شه باخچه و رووبه‌رى سه‌وزایی بچوكن.
ده‌شڵێت “پلانمان هه‌یه به‌م زووانه باخچه‌یه‌كی دیكه له سنووره‌كه‌مان دروستبكرێت كه له‌سه‌ر رووبه‌رى 500 مه‌تر دووجا ده‌بێت”.
بودجه‌ى ته‌رخانكراو بۆ دروستكردنى ئه‌م خه‌زانه 15 ملیۆن و 886 هه‌زار دینار بووه له‌سه‌ر بودجه‌ى شاره‌وانیه‌كه‌یان له وه‌زاره‌تى دارایی هه‌رێم.
هه‌ر كه‌سێك ده‌ستكارى داره‌كانى ئیسێوه بكات سزا ده‌درێت
