دارێکى سروشى دواى بڕینەوەى لەلایەن هاوڵاتییەکەوە وێنە: پۆلیسى ژینگە و دارستانى سلێمانى
تەنیا لە سنورى سلێمانى
لە ماوەى چوار رۆژدا 8 کەس لەسەر داربڕین دەستگیرکراون
964+
وریا فەتاح
تەنیا لە سنورى بەڕێوەبەرایەتى پۆلیسى دارستان و ژینگەى سلێمانى، لەماوەى چوار رۆژى رابردوودا هەشت کەس لەسەر بڕینى دارى تەڕ دەستکگیرکراون.
ئەمڕۆ دووشەممە، لەسەر بڕینەوەى دارى تەڕ لە سنورى گوندى کەلکەسماقى قەزاى دووکان و سنورى سیتەک، دوو هاوڵاتى دەستگیرکران.
بەپێى بەدواداچوونەکانى 964، تەنیا لە چوار رۆژى رابردوودا لە سنورى بەڕێوەبەرایەتى پۆلیسى دارستان و ژینگەى سلێمانى، هەشت هاوڵاتى لەسەر بڕینەوەى دارى تەڕ دەستگیرکراون.
هێمن کەمەرخان، وتەبێژى پۆلیسى دارستان و ژینگەى سلێمانى قسەى بۆ 964 کرد و وتى،”هەر کەسێک سەرپێچى بکات جا لە هەر وەرزێکدابێت، دەستگیرى دەکەین و رووبەڕووى یاساى دەکەینەوە، بەتایبەت ئەو کەسانەى دارى تەڕ دەبڕنەوە”.
هەر ئەمڕۆ لە سنورى ناحیەى ناڵپارێزى قەزاى پێنجوێن، لەلایەن پۆلیسى دارستان و ژینگەوە، هاوڵاتییەک بە تۆمەتى خەڵوزکردن دەستگیرکرا و دەستیش بەسەر یەک ئۆتۆمبێل و 40 فەردە خەڵوزدا گیرا.
