ئەو تۆمەتبارەی گوایە رایکردووە، پۆلیسی کەرکوک وێنەکەی بڵاوکردوەتەوە.
نەخۆشی درێژخایەنی هەیە
پۆلیسی کەرکوک: راکردنی تۆمەتبارێک دوورە لە راستییەوە
964+
فەهمی نەبی
ئێوارەی ئەمڕۆ بەشێوەیەکی بەربڵاو دەنگۆی راکردنی تۆمەتبارێک لە کەرکوک بڵاوکرایەوە گوایە، لەکاتی گواستنەوەی تۆمەتبار لە بنکەی رەحیماوا بۆ بنکەی عروبە رایکردووە، بەڵام پۆلیس دەڵێت: وانییە.
ئەمشەو 28.2.2024 فەرماندەیی پۆلیسی کەرکوک راگەیەنراوێکی بڵاوکردەوە و رایگەیاند، سەرلەبەری ئەو هەواڵە ناڕاستە کە دەوترێت تۆمەتبارێک لەکاتی گواستنەوەی رایکردووە، ئەو کەسەی گوایە رایکردووە ئێستا لەناو بنکەیە.
بەگوێرەی راگەیەنراوەکەی پۆلیسی کەرکوک،ئەو کەسەی باسی لێوە دەکرێت، کەسێکی بەساڵاچووە و بەدەست چەندین نەخۆشی درێژخایەنەوە گرفتارە.
پۆلیسی کەرکوک داوا دەکات دەزگاکانی راگەیاندن لەرێگەی فەرمییەوە نەبێت هەواڵ بڵاونەکەنەوە.
