تەماتەی ئێرانی لە بازاڕی سلێمانی. فۆتۆ: 964
بۆ سەروو هەزار دینار
قەدەغەى هاتوچۆ نرخى تەماتەى بەرز کردەوە
964+
دیلان محەمەد جەزا- سلێمانى
دواى ئەوەى بەهۆى هەڵگرتنى باج و قەدەغە لەسەر تەماتەى هاوردە نرخەکەى هەرزان بوو، ئەمڕۆ بەهۆى قەدەغەى هاتوچۆ جارێکى دیکە نرخى تەماتە بەرز بووەوە.
سەروەر عەلی سەرۆکی سەندیکای عەلوەی سلێمانی بە 964ـى وت،”ئەمرۆ عەلوەی سلێمانی کرایەوە و بەرهەمی سەوزە و میوەی تیادا فرۆشرا، بەڵام لە بازگەی کەرکوک رێگایان بە بارهەڵگر نەداوە تێپەرێت بەهۆی قەدەغەی هاتوچۆوە”.
باسی لەوەکرد، لەبەر ئەوەی قەدەغەی هاتوچۆیە و بەرهەمی تەماتەی کەربەلا و نەجەف نەهاتووە هەر کیلۆیەک تەماتە نرخەکەی بۆ هەزار و 200 دینار بەرزبوەتەوە.
لە چەند رۆژی رابردوودا نرخی کیلۆیەک تەماتە لە نێوان 500 بۆ 750 دینار بووە.
جەختیشى کردەوە، سبەینێ هەینی لە دوای نیوەرۆوە عەلوە دەکرێتەوە و سەوزە و میوەی تیادا دەفرۆشرێت.
لە 5.11.2024ـەوە، وەزارەتى کشتوکاڵ بڕیاریدا بە هەڵگرتنى باج و قەدەغە لەسەر تەماتەى هاوردە، بەمەش نرخى یەک کیلۆ تەماتەى لە 1500 دینارەوە دابەزان بۆ نزیکەى 700 دینار.
پێداچوونەوە: وریا فەتاح