سێیەمجارە
كێبڵی گۆڕستانی پیرداود دزراوە
964+
ئەحمەد شەمزین – هەولێر
بۆ سێیەمجار دزی لە کێبڵی ستوونی کارەباکانی گۆڕستانی پیرداود دەکرێت لە ناحیەی شەمامک، پۆلیسی ناحیەکە دەڵێت بەدوای ئاشکراکردن و دەستگیرکردنی دزەکەوەن.
بەپێی زانیارییەکانی 964، کە لە فەرمانگەی کارەبای شەمامکەوە وەریگرتووە، بە بەهای هەزار دۆلار کێبڵی کارەبا لە ستوونەکان کراونەتەوە و دزراون.
هەربەپێی زانیارییەکان، جاری یەکەم و دووەم بایی 300 دۆلار کێبڵ لە ستوونەکان کراونەتەوە.
هونەر مزوری، بەڕێوەبەری بنکەی پۆلیسی شەمامک بە 964ـی راگەیاند، لە هەوڵی دۆزینەوەی ئەو کەسەدان ئەو کێبڵانەی بردووە و سەیری کامێراکانی چاودێری دەکەنەوە.
پێداچوونەوە: پێشەوا محەمەد
