نەخۆشخانەی گشتی کەلار. وێنە :964
نرخی بینینی دکتۆر چەندە؟
عەیادەی پزیشکی میللی ئێواران لە کەلار کرایەوە
964+
توانا نەقی
لە ئەمڕۆوە عەیادەی پزیشکی میللی ئێواران لە نەخۆشخانەی گشتی کەلار دەکرێتەوە و دەستیان کردووە بە کار و دەوامیان هەیە.
ئەمڕۆ دووشەممە 19.2.2024 نەخۆشخانەی گشتی کەلار بڵاویکردەوە، کە هەر ئەمڕۆ دەستکراوە بە دەوام و بە نرخی گونجاو و سەرجەم خزمەتگوزارییەکانەوە هاوڵاتیان دەتوانن سەردانیان بکەن.
دەشڵێت، لە عەیادەی پزیشکی میللی ئێواران لەکەلار ئەم خزمەتگوزاریانە بەردەستن:
پشکنینی تاقیگەیی، تیشگ، پشکنینی چاو، تیمارکردنی پیاوان و ژنان و هێڵکاری دڵ، پزیشکی گشتی ئامادەیە بۆ بینینی نەخۆش و چارەسەرکردنی.
حارس محەمەد بەڕێوەبەری نەخۆشخانەی گشتی کەلار بە 964ـی وت، کردنەوەی ئەو عەیادە میللیە زۆر سوودی بۆ هاوڵاتیان هەیە بەتایبەت لە رووی نرخی دەرمان و پشکنینەوە کە لەگەڵ بازاڕ بە رێژەی 50% جیاوازی هەیە و کەمترە.
وتیشی،قازانجی نرخی دەرمان بەرێژەی 10% لە نەخۆش وەردەگیرێت و بۆ پشکنینەکانیش بەهەمان شێوە لە کاتێکدا لە بازاڕدا قازانج بە رێژەی 25% وەردەگیرێت.
نەخۆشخانەکە ئاماژەی بەوەکردووە، نرخی بلیتی چارەسەری پزیشک سێ هەزار دینارە و دەوامی رۆژانە لە کاتژمێر 2:00ـی پاش نیوەڕۆ بۆ 6:00ـی ئێوارە لە رۆژانی یەکشەممە بۆ پێنجشەممە دەبێت.
