داوای چی دەکەن؟
کاسبکارانی ناوبازاڕی رانیە گردبوونەوە
964+
ژێوار خدر – رانیە
بەشێک لە کاسبکاران و عەرەبانچییەکانی ناو بازاڕی رانیە گردبوونەوە و دەڵێن، چەندان مانگە لەلایەن شارەوانی و قایمقامیەتەوە رێگرییان لێ دەکەن کەسابەتی خۆیان بکەنە و کێشەی شوێنیان هەیە.
نوێنەری کاسبکارە ناڕازییەکان بۆ 964 وتی، داوادەکەین هیچ نەبێت وەک شارەکانی دیکە لە کاتژمێر 4:00ـی دوای نیوەڕۆوە ئازاد بکرێن و ئۆتۆمبێل با هاتوچۆ نەکات و ئەوان کەسابەتی خۆیان بکەن.
وتیشی، هەیانە رۆژانە 25 هەزار دینار غەرامە دەکرێت، کە خۆی بایی 8 هەزار دینار فرۆشی هەبووە.
ئەوان دەڵێن، هاوکارییان بکەن و بهێڵن لەناو بازاڕ کەسابەتی خۆیان بکەن بۆ چەند کاتژمێرێک، ئەو شوێنەی پێشتر بۆیان دیاری کرابوو نرخەکەی زۆر گران بووە و بۆیان دەری نەهێناوە.
پێداچوونەوە: توانا نەقی
