هەورە بروسکە چەند شوێنێکى گەرمیانى بێ کارەبا کرد

964+

میلاد جەلال- کەلار

بەهۆى دروستبوونى شۆرتى کارەبا لە هێڵى (132kv)ى نێوان کەلار و حەسیرە، بۆ ماوەى سێ کاتژمێر دانیشتوانى قەزاى کەلار و هەردوو ناحیەى رزگارى و کۆکس بێ کارەبا بوون.

ئالان ئەرکان، وتەبێژی بەڕێوبەرایەتی گشتی کارەبای گەرمیان بە 964ى وت،”بەهۆى هەورە بروسکە، هێڵى (132kv) توشى شۆرت بوو و بەهۆیەوە دانیشتوانى کەلار و هەردوو ناحیەى رزگارى و کۆکس (کوڵەجۆ)، بۆ ماوەى سێ کاتژمێر، بێ کارەبا بوون.

وتیشى،”تیمەکانیان بۆ چارەسەرکردنى کێشەکە بە زویى چونەتە شوێنەکە و ئێستا کێشەکە چارەسەر کراوە و قۆناغ بە قۆناغ کارەبا بۆ دانیشتوان دەگەڕێتەوە”.

964 دەزانێت، ئێستا بەشێک لە گەڕەکەکانى کەلار کارەبایان بۆ گەڕاوەتەوە، بەڵام تا ئامادەکردنى ئەم هەواڵە، کارەباى سەرجەم شوێنەکان بە تەواوەتى نەگەڕاوەتەوە.

پێداچوونەوە- وریا فەتاح