دۆلار دیسان هەڵکشا

964+

هێمن بەکر – هەولێر

سەرلەبەیانی ئەمڕۆ دووشەممە، نرخی 100 دۆلاری ئەمریکی گەیشتە 157 هەزار دیناری عێراقی، لە بازاڕەکانی هەرێمی کوردستان.

ئەوە لەکاتێکدایە، لە ماوەی دوو هەفتەی رابردوو، نرخی 100 دۆلار گەیشتە 159 هەزار دینار.

هەر لە ماوەی رابردوودا، هەریەک لە محەمەد شیاع سودانی، سەرۆک وەزیرانی عێراق و تەیف سامی، وەزیری دارایی عێراق باسیان لەوە کردبوو، کە نرخی دۆلار جێگیر دەبێت.

تەیف سامی وتبووی، نرخی 100 دۆلاریان بە 145 هەزار دینار داناوە لە پرۆژە بودجەی 2023ی عێراق.

بڕیارە ئەمڕۆ وەزارەتی دارایی عێراق پرۆژە یاسای بودجە رەوانەی ئەنجومەنی نوێنەران بکات، کە دەوترێت زیاترە لە 140 ترلیۆن دینار.