جۆری دەگمەنن
دوو شەو لەمەوبەر 30 سەر بزنی هاوڵاتییەکی هەولێر دزراوە
964+
شۆرش عەبدوڵا – هەولێر
دوو شەو لەمەوبەر هاوڵاتییەکی هەولێر 30 سەر بزنی لێ دزراوە و هێشتا ئەوانەی بزنەکانیان دزیوە نەدۆزراونەتەوە.
عەبدولموتەڵیب عەبدولکەریم ئاژەڵدارێکی شاری هەولێرە بۆ 964 قسەیکردووە دەڵێت، دوو شەو لەمەوبەر 30 سەر بزنی جۆری دەگمەنم لێ دزرا، بەجۆرێک ئەوانەی بزنەکانیان دزیوە هەڵیانبژاردووە، کامەی دەگمەن بووە ئەوانیان دزیووە.
ئەو هاوڵاتییە دەڵێت، بزنەکان بەهۆی دەگمەنیان پارەیەکی باشیان دەکرد لە مەیدانی ئاژەڵان، بەجۆرێک هەر جووتێکی سێ ملیۆن دینارە.
