دیمەنی هێزەکانی بەرنگاربوونەوەی مادەی هۆشبەری عێراق.وێنە بەڕێوەبەرایەتی نەهێشتنی مادە هۆشبەرەکان
بە 8 کیلۆ مادەوە
19 بازرگانی مادەی هۆشبەر دەستگیر کران
964+
توانا نەقی
بەڕێوەبەرایەتی گشتی کاروباری مادە هۆشبەرەکانی عێراق دەست بەسەرداگرتنی نزیکەی 8 کیلۆ مادەی هۆشبەری کریستاڵی راگەیاند، هەروەها دەستگیرکردنی 19 بازرگان لە بەغدا و بابل و زیقار.
ئەمڕۆ هەینی بەڕێوەبەرایەتییەکە بڵاویکردەوە، لەلایەن بەڕێوەبەرایەتی کارووباری مادە هۆشبەرەکانەوە توانراوە لە ماوەی چەند کاتژمێرێکدا، تۆڕێکی مەترسیداری بازرگانیکردن بە مادەی هۆشبەرەوە دەستگیر بکەن.
دەشڵێت، توانراوە هەشت بازرگان بە چوار کیلۆ مادەی هۆشبەرەوە لە ناوچەی کەرخی بەغدا دەستگیربکەن، هەروەها لە بەشێکی دیکەی بەدواداچوونەکانیان دووکەسی دیکەیان بە کیلۆیەک مادەوە دەستگیرکردووە.
لەلایەکی دیکەوە توانراوە شەش بازرگانی دیکە لە زیقار بە کیلۆیەک مادەی هۆشبەرەوە دەستگیر بکەن و سێ کەسی دیکەش لە بابل بە هەمان تۆمەت دەستگیرکراون.
بەڕێوەبەرایەتییەکە دەلێت، جگە لە مادەی هۆشبەر دەستیشیانگرتووە بەسەر چەندین پارچە چەکدا لەلایەن ئەو کەسانەوە هەڵگیراوە، ئۆپەراسیۆنەکانیشیان بۆ دەستگیرکردنی بازرگانانی مادەی هۆشبەر بەردەوام دەبێت.
